तोहरी नौकरिया सौतिनिया हमार पिया

तोहरी नौकरिया सौतिनिया हमार पिया

काहे के बनली दुल्हिनिया तोहार पिया ।
अईते ससुराल भेज दिहले संदेशवा
हमरा के छोड़ पिया गईले विदेशवा
तनिको ना बुझले दरदिया हमार पिया
काहे के बनली दुल्हिनिया तोहार पिया ।।
सूना मोरा कोहबर सूनी रे सेजरिया
फड़ फड़ उड़े मोरी कोरी रे चुनरिया
अँखियां से बही जाए कजरिया हमार पिया
काहे के बनली दुल्हिनिया तोहार पिया ।।
रही रही ताना मारे बैरी रे कोयलिया
गईले विदेश काहे पिया निरमोहिया
मुँहवा चिढ़ावे दर्पणिया हमार पिया
काहे के बनली दुल्हिनिया तोहार पिया ।
जाईके विदेशवा तू हमके बिसरल
भेजल ना चिट्ठीया ना सूध मोरी लिहल
दिनराती तड़पेली धनिया तोहार पिया
काहे के बनली दुल्हिनिया तोहार पिया 

 डॉ.प्रतिभा रानी
हमारे खबरों को शेयर करना न भूलें| हमारे यूटूब चैनल से अवश्य जुड़ें https://www.youtube.com/divyarashminews https://www.facebook.com/divyarashmimag