दियरी के परब

आईल बाटे दियरी के परब ,

लक्ष्मी गणेश के घरे बोलाईं ।

आपन राग द्वेष सब दूर कके ,

अंहरिया में ॲंजोरिया मॅंगाईं ।।

दियरी बाटे बड़ प्रकाश परब ,

आपन अंहरिया दूर भगाईं ।

दोसरो के परब बाकी ना रहे ,

सहयोग में तनी हाथ बॅंटाईं ।।

दुआ दया के दीया सजा लीं ,

ईमान के तेल दीया में डारीं ।

ईर्ष्या द्वेष सब दूर भगा लीं ,

अब प्रेम प्यार के बाति बारीं ।।

लोक लाज आपन रक्षा करीं ,

सदाचार सद्व्यवहार अपनाईं ।

चकाचौंध के मत फेर में पड़ीं ,

माटी के दीया किन के लाईं ।।

सबके घर में दियरी बरत होखे ,

त आपन दियरी सुफल बाटे ।

आजु बाजु कोई भूखे सुतल ,

आपन दियरी निष्फल बाटे ।।

पूर्णतः मौलिक एवं

अप्रकाशित रचना

अरुण दिव्यांश

छपरा ( सारण )

बिहार ।

हमारे खबरों को शेयर करना न भूलें| हमारे यूटूब चैनल से अवश्य जुड़ें https://www.youtube.com/divyarashminews #Divya Rashmi News, #दिव्य रश्मि न्यूज़ https://www.facebook.com/divyarashmimag