कंकरोच!कंकरोच!!

--:भारतका एक ब्राह्मण.
संजय कुमार मिश्र"अणु"
कोट देवे खाली डेट,
पुलिस भरे अपन पेट,
आई.ए.एस.के खुलल रेट,
बी.पी.एस.सी.सेटम सेट,
युवा बेरोजगार हो के-
घास रहल हे नोच।
कंकरोच!कंकरोच।।
नेता सब भाषण देवे,
कोटओ न राशन देवे,
काम कोई मांगे त
पीट के आश्वासन देवे,
कह के सुशासन बाबू
लाठी देवे कोच।।
कंकरोच!कंकरोच।टेक।
घर घर विकास होई,
हलक नारा,वादा,
दवाई पढाई फिरी-
कह के रे दादा,
माला पहना के हमरा
मारल अइसन खोंच।।
कंकरोच!कंकरोच!!
नली गली खा गेल,
समय अइसन आ गेल,
चोर उचक्का मौज करे,
छात्र नौजवान जेल,
अपना ला करब न-
तो बचवा ला सोच।।
कंकरोच!कंकरोच।।
मिश्र "अणु" बात सोचे,
बइठल-बइठल घांस नोचे
जेकरा जने मौका मिले-
इधर नोचे,उधर कोचे,
माथा खराब भेल हे
एही सब सोच।
कंकरोच!कंकरोच।।
--------------------------------------
वलिदाद,अरवल(बिहार)804402.
हमारे खबरों को शेयर करना न भूलें| हमारे फेसबुक पेज से जुड़े https://www.facebook.com/divyarashmimag हमारे यूटूब चैनल से अवश्य जुड़ें https://www.youtube.com/divyarashminews हमें ट्विटर पर फॉलो करे :- https://x.com/DivyaRashmi8