माई हम मनाइब न हो !

भोर भिनसरवा घाट हम जाइब न हो |

छठी माई हम मनाइब न हो |

छठी मईया दीहा तू आशीष ,

जीयते बरत  हम उठाइब न हो |

छठी माई हम मनाइब न हो |

उगा हो सुरुजदेव  करा न अब देरिया |

फेरी दा हो दीनानाथ हमपर नजरिया |

तोहके अरघ हम चढ़ाइब न हो |

हाथ जोरी गित हम गाइब न हो |

 छठी माई हम मनाइब न हो |

करी दा अंजोर नाथ हमरो संसार |

 होला सगरो तोहरो जय जय कार |

उगबा न जबले घरे हम जाइब न हो |

निर्मल नदिया हम नहाइब न हो |

छठी माई हम मनाइब न हो |

नारीयल केरा फल सुपवा मे साजल  |

उखिया के बहँगी संगे ढ़ोल तासा  बाजल |

छठी माई बेटी हम कहाइब न हो |

गाई गीतिया माई हम सुनाइब न हो |

छठी माई हम मनाइब न हो |

श्याम कुँवर भारती (राजभर)

बोकारो, झारखंड

हमारे खबरों को शेयर करना न भूलें| हमारे यूटूब चैनल से अवश्य जुड़ें https://www.youtube.com/divyarashminews https://www.facebook.com/divyarashmimag