बनले पर सब हे

बनले पर सब हे (मगही चिकोटी)

---:भारतका एक ब्राह्मण.

संजय कुमार मिश्र 'अणु'

उधर बी.पी.एस.सी. के रिजल्ट भेल इधर सब तथाकथित सामाजिक संगठन के एगो मोका मिलल अपने बैनर आउ चेहरा चमकावेला।सबके सब अपन-अपन बैनर आउ फोटो लगा के लगलन शुभकामना देवे।

शुभकामना देवे से हमरा कोई गुरेज न हे लेकिन एहनी के तौर-तरीका पर परहेज हे।समाज के चार गो लडिका लड़की के रिजल्ट भेल। अच्छा भेल। लेकिन एहनी सब का कयलन हल लेल।कभी खोजो खबर न लेलन हल ई परिवार के कि कहां आउ कउन हाल में हथ सब।अब चललन हे नाम गिनावे की हमर समाज परिवार के आठ गो रिजल्ट भेल हे।

मार बधाई पर बधाई भेजल जा रहल हे मोबाइल से।खुब बढ़ा-चढ़ा के बखान कइल जा रहल हे मानs नs मानs पर हम तो तोहर हितैषी ही ई सच जानs।

ई बात तो हमरा ठीक न बुझा हे। पहिले न कोई खोज न खबर बनला पर चढ गेल सबके नजर।न बात न चित बस बन गेलन बरीआरी हित।ई कउन चलन हे।सुन के इहे न कहब की ई में तोहरा कइसन जलन हे। लेकिन हमरा जलन न हे।हमरो खुशी हे ऐह से लेकिन तोहनी नियन खुशी न हे।डफली अपन बात के खोललन।

जब बात समाज परिवार के हे तs ठीक हे लेकिन प्रतिभा के संरक्षण दs।पहिले से अइसन प्रतिभाशाली युवक युवती के प्रोत्साहन दs।ई लाइक बनाव की समाज के चतुर्दिक विकास होवे। लेकिन ई ना होई।बस बनला पर लोग अइहें आउ बधाई दे के फोटो खिचवईहें।जइसे इनके सहयोग से ई परम पद मिलल होय।

चलइत चलइत डफली बतवलन।जान हs बाबू? हमनी के बुढवन एगो बात कहलन हल--

बनी के चेहरा पर निखार।

बिगड़ी के दुश्मन हजार।।वलिदाद अरवल (बिहार)

दिव्य रश्मि केवल समाचार पोर्टल ही नहीं समाज का दर्पण है |www.divyarashmi.com