मगही प्रार्थना

सच्ची श्रद्धा भक्ति बढ़े अइसन सन्मार्ग देखइहS तू !

सद्विचार सत्पथ पर आगे बढ़ना सदा सिखइहS तू !

मानव ही बन जाई मानव बनके जिऊँ-मरूँ ।

मानवता के रक्षा लागी मानवीये ही कर्म करूँ ।।

हे भगवान ! हमेशा मानवता के पाठ पढ़इहS तू !

सद्विचार सत्पथ पर आगे बढ़ना सदा सिखइहS तू !

स्वस्थ बनी हम सक्षम होके सबल-राष्ट्र निर्माण करी ।

देश के बलिवेदी पर अप्पन तन मन धन बलिदान करी ।।

टलूँ न तिल भर तोरा से प्रभु ! अइसन लगन लगइहS तू !

सद्विचार सत्पथ पर आगे बढ़ना सदा सिखइहS तू !

दोसर लागी जीना-मरना ही हम्मर सद्धर्म रहे ।

विश्वशांति चितचैन चिरंतन सत्य अहिंसा कर्म रहे ।।

अंतर्मन उजियार हमेशा अइसन ज्योति जगइहS तू !

सदविचार सत्पथ पर आगे बढ़ना सदा सिखइहS तू !

चितरंजन 'चैनपुरा' , जहानाबाद, बिहार 804425

दिव्य रश्मि केवल समाचार पोर्टल ही नहीं समाज का दर्पण है |www.divyarashmi.com