भारतीय हाड़ के हार बिहार

भारतीय हाड़ के हार बिहार

अरुण दिव्यांश
भारतीय हाड़ के ई हार बिहार बा ,
भारत के पूर्वोत्तर दुआर बिहार बा ।
बिहार त भारतीय बा पावन स्थली ,
भारत के ई अंत:स्थली बिहार बा ।।
भारत के सच्चा आधार बिहार बा ,
जंग में ना मानेवाला हार बिहार बा ।
भारत के पैनी हथियार बिहार बा ,
भारती माई प्रखर प्रहरी बिहार बा ।।
भारत के जवान जवानी बिहार बा ,
भारत के तेज पैनी धार बिहार बा ।
भारत के सच शिष्टाचार बिहार बा ,
भारत के ई प्रखर प्रहार बिहार बा ।।
भारत के असली निखार बिहार बा ,
निष्ठा शिष्टता सच्चा यार बिहार बा ।
राजेंद्र कुॅंअर गोविंद बुद्ध महावीर ,
लाखों आजुओ त‌ईयार बिहार बा ।।
शील गुण संपन्न संस्कार बिहार बा ,
गद्दारन खातिर तिहाड़ बिहार बा ।
भोजपुरी मैथिली अंगिका मगही ,
जहाॅं भाषा चार उद्गार बिहार बा ।।
पूर्णतः मौलिक एवं
अप्रकाशित रचना
अरुण दिव्यांश
छपरा ( सारण )बिहार ।
हमारे खबरों को शेयर करना न भूलें| हमारे फेसबुक पेज से जुड़े https://www.facebook.com/divyarashmimag हमारे यूटूब चैनल से अवश्य जुड़ें https://www.youtube.com/divyarashminews हमें ट्विटर पर फॉलो करे :- https://x.com/DivyaRashmi8

एक टिप्पणी भेजें

0 टिप्पणियाँ