कहाॅं बाटे पाक के नाक

कहाॅं बाटे पाक के नाक ,
कि नाक ओकर कटाई ।
पाक के मुॅंह गोर कहिया ,
कि मुॅंह करिखा पोताई ।।
का करब कपार छिलवा ,
सुभावे कपार छिलाईल ।
इज्जत त बा ओकर जे ,
सब संग चले मिलाईल।।
जेकर सुभाव बा कुभाव ,
सुभावे करिखा पोतल बा ।
का होई ओहसे बतियाई ,
दिमाग में खाली बोतल बा ।।
लात के जे भूत होखे ,
ना सुनी बतियवला से ।
लात के भूत उहे कहाला ,
जे सुनेला जूतियवला से ।।
पाक त ह घास अईसन ,
जड़ होखे ओकर बला के ।
जड़ से उखाड़ रखीं घास ,
फेर फेंकीं ओकरा जलाके ।।
घास के चाहे सड़ा गला दीं ,
चाहे पचीसो साल सूखा दीं ।
दू बूॅंद पानी देके त देखीं ,
हिर्दय राउर फेर दुखा दी ।।


पूर्णतः मौलिक एवं
अप्रकाशित रचना
अरुण दिव्यांश
डुमरी अड्डा
छपरा ( सारण )बिहार ।
हमारे खबरों को शेयर करना न भूलें| हमारे यूटूब चैनल से अवश्य जुड़ें https://www.youtube.com/divyarashminews #Divya Rashmi News, #दिव्य रश्मि न्यूज़ https://www.facebook.com/divyarashmimag