छठ

छठ

अरुण दिव्यांश
आईं र‌उओ अबकी बिहार में ,
छठ मनाईं मिलके प्यार में ।
पावन बना लीहीं दिल आपन ,
बड़ा पावन व्रत आचार में ।।
मन में छल कपट ना चाहीं ,
नाहीं कवनों ईर्ष्या तकरार ।
धर से लेके घाट तक लागेला ,
एगो पावनता के ई बाजार ।।
माॅं गंगा के गवाही होखेला ,
छठी माई के अरघ प्रदान ।
सूरूजदेव बनेलन माध्यम ,
करे छठी माई सब निदान ।।
जतना बड़ इनके उपासना ,
ओतने बड़ व्रत के उल्लास ।
छठी माई फल दिखावे क्षण ,
कोई करके देखो उपहास ।।
छठ बाटे व्रत संग त्यौहार ,
उपासना हर्षोल्लास संग में ।
बच्चा बच्चा व्रत में पुलकित ,
हर्षोल्लास उनके हर अंग में ।।
पूर्णतः मौलिक एवं
अप्रकाशित रचना
अरुण दिव्यांश
छपरा ( सारण )बिहार ।
हमारे खबरों को शेयर करना न भूलें| हमारे फेसबुक पेज से जुड़े https://www.facebook.com/divyarashmimag हमारे यूटूब चैनल से अवश्य जुड़ें https://www.youtube.com/divyarashminews हमें ट्विटर पर फॉलो करे :- https://x.com/DivyaRashmi8