भारतीय बिहारी भाषा

भारतीय बिहारी भाषा 

संस्कृत राष्ट्र के बाटे लिट्टी ,

हिंदी बाटे लिट्टी पे चोखा ।

भोजपुरी बा ओह पे दही ,

संस्कृति भाव अनोखा ।।

ज‌ईसन सादा बा जीवन ,

वो‌ईसने सादा ह भोजन ।

ना एहमें चिकन चुलबुल ,

सादगी एकर बाटे रुचन ।।

ना जीवन में शिकार बाटे ,

जीवन स्वयं सितार बाटे ।

अंतर्मन के ई मधुर ध्वनि ,

जहाॅं ढेर भरल प्यार बाटे ।।

समृद्ध भारत समृद्ध भाषा ,

आदर सत्कार बसे श्वासा ।

तन मन ना एह से वंचित ,

निश्छल प्यार ह पिपासा ।।

ना एहमें बा वाद प्रतिवाद ,

ना एहमें कोई बा विवाद ।

सबके जोड़ परिवार बनावे ,

सबके जीवन करे आह्लाद ।।

पूर्णतः मौलिक एवं 

अप्रकाशित रचना 

अरुण दिव्यांश 

छपरा ( सारण )

बिहार ।

हमारे खबरों को शेयर करना न भूलें| हमारे फेसबुक पेज से जुड़े https://www.facebook.com/divyarashmimag हमारे यूटूब चैनल से अवश्य जुड़ें https://www.youtube.com/divyarashminews हमें ट्विटर पर फॉलो करे :- https://x.com/DivyaRashmi8