जन्ने देखS दुनिया में अब पूछ न हे इंसान के l

धूम मचल हे धूर्त धुरंधर धुरफंदी बेईमान के ll
परिपोषक परिवारवाद के दुश्मन राष्ट्र-समाज के l
जुटल जमायत छली प्रपंची कपटी धोखेबाज के ll
खुलेआम जे खूब करइत हे सौदा धर्म-ईमान के l
धूम मचल हे धूर्त धुरंधर धुरफंदी बेईमान के ll
दूधारी तलवारी नीति दगा देइत हे मित्र के l
जे रखवारा से आवारा दोगला चाल चरित्र के ll
समझे न अब कूटनीति कौटिल्य कुटिल मुस्कान के l
धूम मचल हे धूर्त धुरंधर धुरफंदी बेईमान के ll
हाय रुपइया ! हाय रुपइया ! सात पुस्त तक हड़पइत हे l
तीन-तेहाइत तेरह-तिकड़म तेल-बेल कर तड़पइत हे l
नया जमाना छीन लेलक चितचैन ई सकल जहान के l
धूम मचल हे धूर्त धुरंधर धुरफंदी बेईमान के ll

चितरंजन 'चैनपुरा'
हमारे खबरों को शेयर करना न भूलें| हमारे यूटूब चैनल से अवश्य जुड़ें https://www.youtube.com/divyarashminews https://www.facebook.com/divyarashmimag