प्यार जेकर नईखे प्यारा

लिलार पर नईखे चमक ,
विचार में नईखे गमक ।
का कहिं मन‌ के बतिया ,
दिलवो में नईखे छमक ।।
मनवा हमेशा रहे चंचल ,
मन करे हम चरीं कंचन ।
सबसे एगो नजर चोराके ,
हमेशा करे अपने वंचन ।।
दिमागो में ना बाटे धमक ,
जब देखीं तबहीं तमक ।
वाणी बाटे अईसन जईसे ,
कवि के काव्य में यमक ।।
प्यार जेकर नईखे प्यारा ,
ओकर नईखे कहीं चारा ।
मारल फिरे हमेशा पीछे ,
जिनगी भर बनी बेचारा ।।
हाॅंक लीं रउआ कतनो ,
जीवन भर पारा के पारा ।
उल्टे बनल अब राह बा ,
उल्टे चले जीवन धारा ।।
केहू कतनों कुछुओ करो ,
तिल के बनावे के बा ताड़ ।
कहीं केहू के कबहूॅं कुछुओ ,
लेके कतहीं कुछुओ आड़ ।।
पूर्णतः मौलिक एवं
अप्रकाशित रचना
अरुण दिव्यांश
छपरा ( सारण )बिहार ।
हमारे खबरों को शेयर करना न भूलें| हमारे यूटूब चैनल से अवश्य जुड़ें https://www.youtube.com/divyarashminews #Divya Rashmi News, #दिव्य रश्मि न्यूज़ https://www.facebook.com/divyarashmimag